Sumqayıt şəhərində yerləşən İkinci Qarabağ müharibəsi şəhidi, Vətən Müharibəsi Qəhrəmanı Anar Şükürov adına 25 nömrəli tam orta məktəbdə “Həmrəy Olaq” adlı tədbir keçirilib.
Tədbiri giriş sözü ilə açan məktəbin direktoru Ayna Fleydanlı bildirib ki, məktəbin öz ənənələri var. O, əlavə edib ki, bu tədbirdə məktəbimizin bitirmiş dəyərli ziyalılar, məktəbimizdə vaxtilə dərs deyən pedaqoqlar da iştirak edir.
“Bu məktəbin böyük ənənəsi var. Biz çalışırıq ki, bu ənələri yaşadaq Biz şagirdlərimizə bu dəyərləri aşıladırıq. Bu tədbirdə bizi və şagirdlərimizi tək qoymadığınız üçün sizlərə təşəkkür edirəm”- deyə Ayna Fleydanlı bildirib.
Sonra məktəbin şagirdləri konsert proqramı və səhnəciklər ilə çıxış ediblər. Tədbir həm birlik ruhunun gücləndirilməsi, həm də məktəb kollektivinin ənənələrinə hörmətin ifadəsi kimi keçirilib.
