İsraildə fəaliyyət göstərən Channel 12 televiziyası Mossad rəhbəri David Barnea'nın HƏMAS ilə məhbus mübadiləsi razılaşmasının mümkünlüyünü təklif etdiyini, lakin baş nazir Benyamin Netanyahu bunu rədd etdiyini bildirib.
Turkustan.az xəbər verir ki, Barnea razılaşmanın mümkünlüyünə inandığını, lakin Netanyahunun təqdim olunan detallara etiraz etdiyini qeyd edib.
Kanalın məlumatına görə , Barneanın imzalana biləcəyinə inandığı razılaşmanın təfərrüatları arasında 40 israilli məhbusun azad edilməsi və Qəzzanın şimalındakı sakinlərin başqa şərtlər olmadan evlərinə qaytarılması daxildir.
Kanal bəyan edib ki, baş nazir razılaşmanı İsrail üçün "zəif" hesab edib və Qəzza zolağının cənubundakı Rəfahın işğalına hazırlıqla bağlı göstəriş verib.
Eyni mənbəyə görə, İsrailin hərbi kabinet üzvləri Benny Gantz və Gadi Eisenkot Barneanın mövqeyini dəstəkləsələr də, bu, Netanyahunun razılaşmaya qarşı çıxmasına və onu rədd etməsinə mane olmadı.
Mossad direktoru David Barneanın başçılıq etdiyi İsrail nümayəndə heyəti Qəzzada məhbusların azad edilməsi ilə bağlı danışıqların yeni raundu üçün martın 18-də Qətərin paytaxtı Dohaya gedib.
İsrail mətbuatı Mossad direktorunun başçılıq etdiyi İsrail nümayəndə heyətinin Dohaya gəlməsi ilə Həmas və Təl-Əviv arasında məhbus mübadiləsi danışıqlarının rəsmi olaraq başladığını elan etmişdi.
Nümayəndə heyətinə İsrail ordusunda oğurlananlar və itkin düşmüş şəxslərin fayllarından məsul olan Nitzan Alonun da yer aldığı bildirilib.
İsrailin Kanal 12 televiziyasının xəbərində danışıqların təxminən iki həftə davam edə biləcəyi qeyd edilib.
Eltac Zülfüqaroğlu/Turkustan.az
