İsrail ordusu Qəzza zolağının müxtəlif ərazilərini hava və artilleriya zərbələri ilə hədəfə alıb.
Turkustan.az xəbər verir ki, İsrail Qəzza zolağında atəşkəsi pozmağa davam edib.
Şahidlərin sözlərinə görə, Qəzzanın şərqindəki müxtəlif ərazilər intensiv hava hücumlarına və artilleriya atəşinə məruz qalıb.
İsrail ordusu həmçinin Qəzza zolağının mərkəzindəki Bureyc qaçqın düşərgəsinin şimal-şərqindəki müxtəlif yerləri bombalayıb və atəşə tutub.
Qəzza Hökumətinin Media Ofisinin məlumatına görə, İsrail ordusu Qəzzada qüvvəyə mindiyi vaxtdan bəri atəşkəsi yüzlərlə dəfə pozub, nəticədə ən azı 391 fələstinli həlak olub, mindən çox insan yaralanıb.
İsrailin Qəzza zolağına qarşı 8 oktyabr 2023-cü ildə başlayan və iki il davam edən soyqırım hücumu nəticəsində əksəriyyəti qadın və uşaqlardan ibarət 70 mindən çox fələstinli həlak olub, 171 mindən çox insan yaralanıb.
Aytən Yaşar/ Turkustan.az
