Rusiyanın Xarici Kəşfiyyat Xidməti (SVR) Paris administrasiyasının Ukraynadakı münaqişəyə birbaşa müdaxilə etməyə çalışdığını və Fransanın özəl hərbi şirkətlərinin ölkədə olmasının Fransanın Rusiyaya qarşı hərbi əməliyyatlarda birbaşa iştirakı demək olduğunu bildirib.
Turkustan.az xəbər verir ki, xidmətin mətbuat ofisindən verilən məlumata görə, Fransa Ukraynadakı münaqişədə birbaşa iştirak variantlarını araşdırmağa davam edir.
Bəyanatda qeyd olunur ki, Fransa hökuməti oktyabr ayının sonunda bu məqsədlə silahlı münaqişə halında üçüncü ölkəyə yardım göstərmək üçün özəl hərbi şirkətlərdən istifadəyə icazə verən bir fərman imzalayıb.
Bəyanatda vurğulanıb ki, Kiyevin Ukraynada Fransanın Mirage təyyarələrini və digər avadanlıqlarını idarə etmək üçün Qərb silahları, əsasən Fransa silahları ilə təchiz olunmuş xarici muzdlu əsgərlərdən ibarət özəl hərbi şirkətlərə ehtiyacı olacaq.
"Ukraynada Fransanın özəl hərbi şirkətlərinin olması Moskva tərəfindən Rusiyaya qarşı hərbi əməliyyatlarda Fransanın birbaşa iştirakı kimi qəbul ediləcək. Nəticə etibarilə, Fransanın özəl hərbi şirkətləri Rusiya Silahlı Qüvvələrinin əsas qanuni hədəfinə çevriləcək" - bəyanatda qeyd edilib. /Musavat.com/
