İranın şimalındakı Hirkani meşələrində günlərdir davam edən irimiqyaslı yanğının Mazandaran əyalətinin Mərzanabad rayonundakı Elit dağ silsiləsində yenidən alovlanması İran hökumətinin beynəlxalq yardım istəməsinə səbəb olub.
Turkustan.az xəbər verir ki, ölkə mətbuatında yer alan xəbərlərə görə, yerli yanğınsöndürənlər, ətraf mühitin mühafizəsi işçiləri, Besiç könüllüləri və alpinist qrupları sıldırım ərazi səbəbiylə çətin şəraitdə yanğınla mübarizəni davam etdirir .
Güclü küləklər və qurudulmuş bitki örtüyü alovun gedişatını sürətləndirir və bölgədə yalnız məhdud sayda helikopterin olduğu bildirilir.
İranın vitse-prezidenti Məhəmməd Cəfər Qaimpanah yanğının nəzarət altına alına bilməməsindən sonra dost ölkələrdən təcili yardım istədiklərini açıqlayıb.
Elit bölgəsinin dağlıq olması səbəbindən yanğını təkcə daxili imkanlarla söndürməyin mümkün olmadığını vurğulayan Kaimpenah, "Meşə yanğınlarının söndürülməsi üçün digər ölkələrdən təcili yardıma ehtiyacımız var" dedi.
Aytən Yaşar/ Turkustan.az
