Venesuelanın vitse-prezidenti və neft naziri Delsi Rodriges ABŞ-ı Karib dənizindəki hərbi hərəkətlərinə görə hədələyib.
Turkustan.az xəbər verir ki, Carabobo əyalətində çıxış edən Rodriges ABŞ hökumətinin bölgəyə döyüş gəmiləri göndərməsini açıq düşmənçilik adlandırıb.
“Öz problemlərinizi həll edin və sahillərimizdən uzaq olun. Venesuela ərazisinə toxunmayın. Əgər ABŞ hücum etməyə cəhd edərsə, Venesuela onların ən pis kabusu olacaq,” – deyə Rodriges bəyan edib.
O, Vaşinqtonu ölkənin zəngin enerji ehtiyatlarını ələ keçirməyə çalışmaqda ittiham edib:
“ABŞ imperialist və ekspansionist bir nizamın məhsuludur. Onlar digər ölkələri müstəmləkə kimi görürlər, halbuki öz daxilində sosial, iqtisadi və siyasi böhran yaşayır”.
Rodriges həmçinin ABŞ administrasiyasının Venesuela hökumətini narko-terror dövləti adlandırmasını yalan və böhtan adlandırıb:
“Simon Bolivar və Uqo Çavesin vətənini narkotik ticarəti ilə ittiham etmək tarixin ən böyük saxtakarlıqlarından biridir”. /globalinfo.az/
