İngiltərənin İsrailə silah satmasına etiraz edən minlərlə nümayişçi qırmızı paltar geyinmiş və əllərində metrlərlə yorğan tutaraq Londonda Parlament binası qarşısında simvolik "qırmızı divar" hörmüşlər.
Turkustan.az xəbər verir ki, ölkədəki bir çox qeyri-hökumət təşkilatının birgə çağırışı və “Fələstin üçün Qırmızı Xətt” şüarı ilə təşkil edilən aksiyada nümayişçilər qırmızı paltar geyinərək parlament binası qarşısında insan zənciri yaradıblar.
İngiltərənin İsrailə silah satmasına etiraz olaraq əllərində metrlərlə qırmızı parça tutan etirazçılar İngiltərə hökumətinə "Fələstin üçün qırmızı xətti keçdiniz" mesajı göndəriblər.
Fələstin bayraqları dalğalandıran və parlament binasının ətrafında simvolik “qırmızı divar” düzəldən etirazçılar İsrailə silah ixracına və sanksiyalara son qoymağa çağırıblar.
İsrailin Qəzzada törətdiyi soyqırımına görə İngiltərənin də məsuliyyət daşıdığını irəli sürən nümayişçilər "İsrailə dərhal silah embarqosu tətbiq edin" və "Dərhal sanksiyalar tətbiq edilməlidir" kimi şüarlar səsləndiriblər.
Aytən Yaşar/ Turkustan.az
