2023-cü ildə Azərbaycanda hərbi xidmət keçməkdən boyun qaçırma hallarına görə 37 nəfər axtarışa verilib.
Bu barədə Dövlət Statistika Komitəsinin məlumatında bildirilib.
Rəsmi məlumata görə, ötən il hərbi xidmət keçməkdən boyun qaçıran 37 nəfərdən 25-nin yeri müəyyən edilərək tapılıb. 12 nəfər isə 2023-cü ilin sonuna kimi axtarışda olub.
2023-cü ildə fərariliyə görə axtarışa verilənlərin də sayı açıqlanıb - 45 nəfər.
Axtarılan fərarilərdən 15 nəfərin yeri müəyyən edilib, 30 nəfəri isə ilin sonuna kimi tapmaq mümkün olmayıb.
2022-ci illə müqayisədə hərbi xidmət keçməkdən boyun qaçırma halları artıb (119,4 faiz təşkil edib), fərarilik isə azalıb (95,7 faiz təşkil edib).
