Azərbaycanın xarici işlər naziri Ceyhun Bayramov və Ermənistanın xarici işlər naziri Ararat Mirzoyan mayın 10-da Almatıda görüşəcəklər.
Bəzi KİV-lərin məlumatına görə, bu görüşdə sülh müqaviləsinin imzalanması gözlənilir.
Baş tutacaq görüşdən ümumilikdə hansı müsbət nəticələr gözləmək olar?
Mövzu haqqında siyasi şərhçi Əziz Əlibəyli Turkustan.az-ın suallarını cavablandırıb.
Əziz.Ə bidlirib ki, “sülh müqaviləsinin bağlanması Xarici İşlər Nazirliyinin səlahiyyətində deyil. Bu görüşdə əsas məsələ delimitasiyanın davamlılığını təmin etmək niyyətidir.
Ümumiyyətlə, həqiqətən də 4 kəndin qaytarılması istiqamətində müəyyən problemlər var. Bundan sonra onlar delimitasiya prosesini davam etdirməlidirlər. Lakin Ermənistanın bəyanatlarında bəzi üst-üstə düşməyən məqamlar var. Ona görə də, erməni tərəfinin mövqelərini tez-tez yoxlamaq lazımdır.
Ümumiyyətlə, bu görüşün Almatıda keçirilməsi bir mesajdır”.
Eltac Zülfüqaroğlu /Turkustan.az