ABŞ kəşfiyyatı Şimali Koreya lideri Kim Çen Inın qlobal öhdəlikləri pozan aqressiv bioloji silah proqramına malik olduğunu irəli sürüb. Bildirilir ki, Kim Çen Inın arsenalında ölümcül xəstəlikləri yaya bilən mikrob spreyləri və zəhərli qələmlər var.
Turkustan.az xəbər verir ki, ABŞ kəşfiyyatı Şimali Koreya lideri Kim Çen Inın bioloji müharibə proqramının bir hissəsi olaraq ölümcül virus və bakteriyalar istehsal etdiyini iddia edib. ABŞ iddia edir ki, Kim Çen Inın onsuz da geniş silah arsenalına çiçək və qarayara kimi ölümcül xəstəlikləri yaya bilən mikrob spreyləri və zəhərli qələmlər əlavə edib.
Xarici hökumətləri izləyən ABŞ Dövlət Departamentinin ekspertləri bildirirlər ki, bu bioloji silahlar nüvə silahından daha təhlükəli ola bilər. Nazirliyin hesabatına görə, Şimali Koreya hərbi məqsədlər üçün bioloji agentlər istehsal etmək gücünə malikdir və bioloji məhsulları genetik cəhətdən təkmilləşdirə bilər. Bundan əlavə, Şimali Koreya kimyəvi silahların çatdırılması üçün istifadə edilən spreylər və zəhərli qələm inyeksiya cihazları kimi qeyri-ənənəvi sistemlərlə bioloji müharibə agentlərini silahlandırmaq qabiliyyətinə malikdir.
Hesabatda həmçinin bildirilir ki, Kim Çen Inın qlobal öhdəliklərini pozan aqressiv bioloji silah proqramı var.
ABŞ kəşfiyyatının məlumatına görə, Şimali Koreyada 1960-cı illərin əvvəllərindən bioloji silahlar var. 2020-ci ildə bioloji silahlar üzrə mütəxəssis Endryu Veber Kimin bioloji silahlar hazırlamaq üçün qlobal Covid-19 böhranından istifadə etməsindən narahatlığını ifadə etdi. Veber bundan əvvəl də Şimali Koreyanın nüvə silahından daha çox bioloji silahdan istifadə etmə ehtimalı barədə xəbərdarlıq etmişdi.
Bundan əlavə, 2017-ci ildə The Sun Şimali Koreyanın dünyanın ən ölümcül xəstəliklərini silahlandırdığını iddia etdi. Harvard Universiteti Kennedi Məktəbinin Belfer Mərkəzi tərəfindən dərc edilən hesabatda qeyd olunub ki, Şimali Koreya bu silahları kütləvi istehsal etmək üçün sənaye obyektlərinə malikdir və onları raketlər, pilotsuz uçuş aparatları, təyyarələr və spreylərlə yaya bilər.
Kim Sarı dənizə doğru reaktiv sistemlərdən və özüyeriyən artilleriya mərmilərindən atəş açmağa davam edərkən əsgərlərinə “əsl müharibəyə” hazır olmalarını bildirib. Dövlət mediası əlavə edib ki, bu atışma təlimi “müharibənin qarşısını almaq üçün mühüm hərbi tapşırıqları yerinə yetirib”. Kim həmçinin təkid edib ki, o, hərbi hazırlıqları artırıb ki, müharibə başlayan kimi artilleriya bölmələri “amansız və sürətli zərbələr” verə bilsin.
Eltac Zülfüqaroğlu/Turkustan.az
