ABŞ-da iyul ayından qüvvəyə minən yeni immiqrasiya qaydaları Yaşıl Kart (Green Card) əldə etməyi daha da çətinləşdirir.
Turkustan.az xəbər verir ki, yüksək müraciət sayı səbəbindən bəzi viza kateqoriyaları üzrə kvotalar artıq dolub.
İyulun 10-dan tətbiq edilən yeni qaydaya əsasən isə müraciət formalarında ən kiçik texniki səhv, o cümlədən imzanın olmaması ərizənin birbaşa rədd edilməsinə səbəb ola bilər.
Tramp administrasiyası qanuni immiqrasiya siyasətini sərtləşdirmək istiqamətində yeni addımlar atır. ABŞ Dövlət Departamentinin 2026-cı ilin iyul ayı üçün Viza Bülletenində nəzərdə tutulan viza məhdudiyyətləri federal səviyyədə qəbul edilən yeni qaydalarla daha da gücləndirilib. Bu dəyişikliklər texniki qüsurlara görə müraciətlərin geri qaytarılmasına və daimi yaşayış icazəsi üçün edilən ərizələrin daha ciddi fərdi qiymətləndirmədən keçirilməsinə imkan yaradır.
Yeni qaydaların nəticəsi olaraq müraciət edənləri daha uzun gözləmə müddəti, məhdud imkanlar və daha sərt yoxlama prosesi gözləyir.
Aytən Yaşar/ Turkustan.az
