Mütəxəssislər bildirirlər ki, İranda hər il dərinləşən su böhranı təkcə quraqlıqdan deyil, həm də su idarəçiliyindəki çatışmazlıqlardan qaynaqlanır.
Turkustan.az xəbər verir ki, ölkədə kənd təsərrüfatı suvarmasında səmərəsiz metodlardan istifadə, yeraltı suların həddindən artıq istifadəsi, artan urbanizasiya və iqlim dəyişikliyinin təsirləri uzunmüddətli su stresinə səbəb olub.
İran prezidenti Məsud Pezaşkyanın müxtəlif səbəblərdən, xüsusən də su böhranından sonra paytaxtı cənuba köçürmək barədə verdiyi açıqlamalar da su stresinin siyasi əksi kimi görünür.
Mütəxəssislərin fikrincə, İran həm yeraltı suların, həm də səth sularının istifadəsi baxımından ciddi bir böhranla üzləşə bilər.
Ekspertlər ölkədə su idarəçiliyinin siyasiləşməsini vurğulayaraq, İranın sudan istifadə ilə bağlı uzunmüddətli planlarının olmadığını bildiriblər.
Böyük Britaniyanın Vulverhempton Universitetinin Ətraf Mühit Texnologiyaları üzrə mühazirəçisi və Davamlılıq və İqlim Dəyişikliyi üzrə Magistr Proqramının direktoru Həmid Pouran İranda su böhranının həm səth, həm də yeraltı sular baxımından kritik həddə çatdığını bildirib.
Puran iqlim dəyişikliyinin İranda yağıntı rejimini kəskin şəkildə dəyişdirdiyini bildirərək, temperaturun artması və qar yağışının azalmasının dağlıq bölgələrdə təbii qar ehtiyatlarının funksiyasını əhəmiyyətli dərəcədə azaltdığını qeyd etdi.
Aytən Yaşar/ Turkustan.az
