ABŞ prezidenti Donald Tramp "Avstraliyanın Sidney şəhərində baş verən atışmaya müdaxilə edən və bir çox insanın həyatını xilas etməyə kömək edən bu cəsur insan Əhməd əl-Əhmədə hörmət edirəm" mesajı göndərib.
Turkustan.az xəbər verir ki, Ağ Evdə keçirilən Yeni il qəbulu zamanı ABŞ Prezidenti Tramp Sidney hücumu ilə bağlı şərh verib.
Tramp hadisəni "tamamilə antisemit hadisə" adlandırıb və hücum edənlərdən birinə qarşı birbaşa müdaxilə edən və bir çox insanın həyatını xilas etməyə kömək edən Əhməd əl-Əhmədi tərifləyib.
ABŞ prezidenti dedi: "Avstraliyada baş verənləri gördünüz, çox cəsur bir insan gedib hücum edənlərdən birinə birbaşa hücum etdi və bir çox insanın həyatını xilas etdi. Hazırda xəstəxanada olan çox cəsur bir insan, olduqca ağır yaralanıb. Mən bu cəsur insana hörmət edirəm."
Aytən Yaşar/ Turkustan.az
