ABŞ Daxili Təhlükəsizlik Naziri Kristi Noem səyahət qadağası tətbiq olunan ölkələrin sayını 30-dan çox artırmağı planlaşdırdıqlarını açıqlayıb.
Turkustan.az xəbər verir ki, Noem Amerikanın Fox News kanalının “The Ingraham Angle” proqramında çıxışı zamanı ABŞ-ın səyahət qadağası tətbiq etməyi planlaşdırdığı ölkələrlə bağlı danışıb.
O, Prezident Donald Tramp administrasiyasının səyahət qadağası siyahısını genişləndirməyə hazırlaşdığını bildirərək deyib: “Sayı ilə bağlı dəqiq bir rəqəm deməyəcəyəm, ancaq bu rəqəm artıq 30-u keçib və Prezident ölkələri qiymətləndirməyə davam edir”.
Noem əlavə edib: “Əgər bir ölkənin sabit hökuməti yoxdursa, şəxslərin identifikasiyası və araşdırılması prosesində bizimlə əməkdaşlıq edə biləcək bir administrasiyası mövcud deyilsə, biz nə üçün həmin ölkədən insanların ABŞ-a daxil olmasına icazə verməliyik?”
Aytən Yaşar/ Turkustan.az
