Tərəfdaşlar Ukraynanın tərəfində olaraq onunla birlikdə davamlı sülhə nail olmaq üçün birlikdə və israrla çalışırlar. Lakin problem Putini danışıqlar masasına necə məcbur etməkdədir.
Turkustan.az xəbər verir ki, bunu Almaniyanın xarici işlər naziri Yohan Vadeful noyabrın 25-də İordaniyanın baş nazirinin müavini və xarici işlər naziri Ayman Safadi ilə Berlində keçirdiyi danışıqlardan sonra birgə mətbuat konfransında bildirib.
“Biz çiyin-çiyinə çalışırıq, hər zaman Ukraynanın yanındayıq və nail olmaq istədiyimiz ən mühüm məqsəd Ukraynada — deməli, Avropa üçün — sülhdür. Bu məqsəd bütün səylərə dəyər. Eyni zamanda, biz indi düzgün qərarlar verməliyik: ədalətli, davamlı və təhlükəsiz sülhün bərqərar olmasına imkan verəcək qərarlar. Ukraynanın müdafiəsini zəiflədəcək və ya Putini növbəti hücum planlarından çəkindirə bilməyəcək heç bir qərar nəzərdən keçirilmir — nə Avropa İttifaqında, nə də NATO-da,” — Vadeful vurğulayıb.
O, ABŞ-dakı tərəfdaşların da bu mövqeyə dəstək verməsindən məmnunluğunu ifadə edərək, sülh planındakı əsas dəyişikliklərin məhz bu səbəbdən edildiyini qeyd edib.
Aytən Yaşar/ Turkustan.az
