Yaponiya Xarici İşlər Nazirliyinin yüksək səviyyəli rəsmisinin baş nazir Takaichi Sanae-nin Tayvanla bağlı açıqlamalarından sonra diplomatik gərginliyi azaltmaq üçün Çinə səfər etdiyi bildirilir.
Turkustan.az xəbər verir ki, Kyodo xəbər agentliyinin məsələ ilə bağlı məlumatlı mənbələrə istinadən verdiyi məlumata görə, Xarici İşlər Nazirliyinin Asiya və Okeaniya ölkələri üzrə departamentinin rəhbəri Kanai Masaaki sabaha planlaşdırılan görüşdə Çin rəsmiləri ilə görüşəcək.
Çinlə diplomatik gərginliyin artması fonunda baş tutan səfər zamanı Kanai-nin Takaichi-nin Tayvanla bağlı açıqlamalarının Yaponiyanın rəsmi mövqeyində bir dəyişikliyi ifadə etmədiyini, o cümlədən “Çin Xalq Respublikası”nı Çinin yeganə qanuni hökuməti kimi tanıyan 1972-ci il birgə bəyannaməsini ifadə edəcəyi gözlənilir.
Yaponiya Nazirlər Kabinetinin Baş Katibi Kihara Minoru mətbuat konfransında bildirib ki, Çinin mövqeyi oktyabrın 3-də Cənubi Koreyada Asiya-Sakit Okean İqtisadi Əməkdaşlıq Təşkilatının (APEC) Liderlər Zirvəsi çərçivəsində iki ölkə liderlərinin əldə etdikləri “strateji və qarşılıqlı faydalı əlaqələr” və “konstruktiv və sabit əlaqələr” razılaşmasına ziddir.
Aytən Yaşar/ Turkustan.az
