ABŞ Venesuelanın sahillərinə yeddi gəmi, o cümlədən üç destroyer, bir sualtı qayıq və təxminən 2,2 min dəniz piyadası göndərib.
Turkustab.az xəbər verir ki, bu barədə “Axios” məlumatına yayıb .
Məlumata görə, bu, Nikolas Maduro rejiminin devrilməsi və ya onun istefasına təzyiq göstərilməsi planının bir hissəsi ola bilər.
Rəsmi izahat əməliyyatı narkotiklərlə mübarizə kimi təqdim edir. Lakin mənbələr bildirir ki, əməliyyat Maduroya təzyiq göstərmək və ya onu aradan qaldırmaq məqsədilə də planlaşdırıla bilər. Az əhalisi olan bölgələrdə narkotik istehsalı və ya Rusiyanın tikdiyi yeni silah zavodları hədəf seçilə bilər. Bəzi mənbələr Maduronun ABŞ tərəfindən terrorizmdə şübhəli bilinməsi səbəbindən pilotsuz uçuş aparatının hədəfi ola biləcəyini də qeyd edir.
Tramp administrasiyası Venesuelaya qarşı sərt siyasət yürüdür, müxalifətə dəstək verib, Maduroya və ordusuna qarşı sanksiyalar tətbiq edir. /Axar.az/
