İsrailin baş naziri Benyamin Netanyahu Birləşmiş Millətlər Təşkilatının (BMT) Təl-Əviv hökumətinin Qəzza zolağına humanitar yardımın daxil olmasına icazə vermədiyini elan edərkən "yalan danışdığını" iddia edib.
Turkustan.az xəbər verir ki, “Yedioth Ahronot” qəzetinin məlumatına görə, Netanyahu İsrailin cənubundakı Ramon aviabazasına səfəri zamanı çıxışı zamanı BMT-nin İsrail haqqında “yalan uydurduğunu” iddia edib.
O, humanitar yardımın Qəzza zolağına daxil olmasına mane olan və dinc sakinlərin aclıqdan ölməsinə səbəb olan İsrail hökumətinin bölgəyə “minimum” yardımın daxil olmasına icazə verdiyini iddia edib.
Netanyahu HƏMAS-ı “aradan çıxarmaq” və israilli məhbusları azad etmək üçün hücumlar həyata keçirdiklərini və bu məqsədlərə çatmaq üçün hücumlara və danışıqlara davam edəcəklərini iddia edib.
"Hansı yolu seçsək də, minimum miqdarda humanitar yardımın daxil olmasına icazə verməyə davam etməliyik və indiyə qədər etdiyimiz budur", - Netanyahu bildirib.
Aytən Yaşar/ Turkustan.az
