ABŞ prezidenti Donald Tramp son günlər münaqişədə olduğu amerikalı milyarder iş adamı İlon Maskın “prezidentlik ofisinə hörmətsizlik etdiyini” və onunla münasibətlərinin bitdiyini düşündüyünü bildirib.
Turkustan.az xəbər verir ki, Amerikanın NBC News kanalına telefonla müsahibə verən Tramp dünya ictimaiyyətinin son bir neçə gündür izlədiyi Musk ilə aralarında yaranan fikir ayrılığı ilə bağlı qiymətləndirmələr edib.
“Tesla” və “SpaceX” şirkətlərinin sahibi Musk ilə münasibətlərinin bitdiyini düşünüb-qoşmadığı sualına Tramp “Mən belə düşünürəm, bəli” cavabını verib.
Tramp həmçinin bildirib ki, o, Mask ilə münasibətlərini ictimai qalmaqaldan sonra düzəltmək niyyətində deyil.
ABŞ prezidenti onu da vurğulayıb ki, Mask Respublikaçı namizədlərə görə Demokrat namizədlərə maliyyə dəstəyi versə, ciddi nəticələrlə üzləşəcək.
"Əgər o, bunu edərsə, nəticələri ilə mübarizə aparmalı olacaq" deyən Tramp, "O, çox ciddi nəticələrlə üzləşməli olacaq" dedi.
Amerikalı milyarder iş adamının “Prezidentlik ofisinə hörmətsizlik etdiyini” də iddia edən Tramp yaxın vaxtlarda Mask ilə danışmaq fikrində olmadığını bildirib.
Tramp Maskın şərhlərinə "Məncə, çox pis bir şeydir, çünki o, çox hörmətsiz idi. Prezidentlik ofisinə hörmətsizlik edə bilməzsiniz" dedi.
Aytən Yaşar/ Turkustan.az
