“2020-ci il müharibəsi zamanı Ermənistana “yardım imitasiyası” haqqında danışarkən Paşinyan hansı ölkələri nəzərdə tuturdu, biz özümüz təxmin etməliyik, yoxsa onlar bizə sonra deyəcəklər”.
Turkustan.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.
“2020-ci ilin payızında münaqişənin başlanğıcından Rusiya onu bitirmək üçün mümkün olan hər şeyi etdi - prezident Putinin dediyi kimi: “Ermənistan özünü tərk edilmiş və unudulmuş hiss etməsin”. Əliyev və Paşinyanla hələ oktyabrda atəşkəs mümkün idi, Azərbaycan Prezidenti Putinin təklifi ilə razılaşdı, lakin Ermənistanın baş naziri hərbi əməliyyatları davam etdirməyə üstünlük verdi – bunun nəyə gətirib çıxardığını hamı bilir”, - Zaxarova xatırladıb. /musavat.com/
