Birləşmiş Krallığın gələcəyi ilə bağlı yeni siyasi gərginlik yaranıb.
Turkustan.az xəbər verir ki, “The Telegraph” qəzeti Şimali İrlandiya, Şotlandiya və Uels liderlərinin sabah Birləşmiş Krallıqdan ayrılma planlarını müzakirə etmək üçün görüşəcəyini yazıb.
Şotlandiyanın birinci naziri Con Svinni, Uelsin birinci naziri Run ap İovert və Şimali İrlandiyanın birinci naziri Mişel O'Nillin ayrılma ilə bağlı referendum keçirmək hüququnu tələb edən birgə bəyanat imzalayacağı gözlənilir.
Bu, Birləşmiş Krallığı təşkil edən üç ölkənin hökumətlərinin eyni vaxtda separatçı mövqedə olan partiyalar tərəfindən idarə edildiyi ilk hal olacaq.
“The Telegraph” qəzetindəki mənbələr bildirib ki, sammitin məqsədi parlamentdə ictimai dəstək alacağı təqdirdə Şotlandiyanın müstəqillik referendumunu dəstəkləyəcəyini söyləyən Böyük Britaniya Baş naziri Endi Börnemə daha çox təzyiq göstərməkdir.
Aytən Yaşar/ Turkustan.az
