MHP lideri Dövlət Baxçalı Türkiyə Böyük Millət Məclisində (TBMM) 467 səslə qəbul edilən “Milli Həmrəyliyin və Sosial İnteqrasiyanın Gücləndirilməsi haqqında” çərçivə qanunu ilə bağlı yazılı açıqlama verib.
Turkustan.az xəbər verir ki, Baxçalı partiyasının sədr müavini İsmayıl Özdəmir vasitəsilə yaydığı açıqlamada qanunun Türkiyənin terrorizmlə mübarizəsi baxımından mühüm hüquqi addım olduğunu bildirib.
“Parlamentimiz və milli iradəmiz tərəfindən qəbul edilən ‘Milli Həmrəyliyin və Sosial İnteqrasiyanın Gücləndirilməsi haqqında’ qanun Türkiyə Respublikasının terrorizmlə mübarizə təcrübəsinin, millətimizin illər ərzində dözdüyü çətinliklərin, cəsur oğul və qızlarımızın qanı və canı bahasına ödənilən ağır bədənin, milli texnoloji inkişaflar nəticəsində güclənən, çəkindirici, yerli və milli müdafiə sənayesinin yaratdığı imkanların məntiqi nəticəsidir”, – deyə Baxçalı qeyd edib.
MHP lideri vurğulayıb ki, terrorizmin həm Türkiyənin daxilində, həm də sərhədlərindən kənarda onu dəstəkləyən siyasi, sosial və silahlı dairələrlə birlikdə kökündən aradan qaldırılması zəruridir.
Baxçalı qanunun bu məqsədlə terrorizmlə mübarizədə tamamlayıcı və təsirli hüquqi mexanizm yaratdığını bildirib.
Aytən Yaşar/ Turkustan.az
