FETÖ istintaqları zamanı uzun illər “şahid” və “etirafçı” kimi tanınan Kəmaləddin Özdəmir (KÖZ) barədə qərar yenidən gündəmə gəlib.
Turkustan.az Türkiyə mediasına istinadən xəbər verir ki, Ankara 4-cü Ağır Cinayət Məhkəməsi onu ilk dəfə birbaşa “təşkilat rəhbərliyi” ittihamı ilə təqsirli bilib və 15 il həbs cəzası verib.
Daha sonra cəza “səmimi peşmanlıq” səbəbilə 3 il 1 aya endirilib. Məsələ sosial mediada geniş səs-küy doğurub. “FETÖ-dən sonra KÖZ?” başlıqlı müzakirələrdə bəzi jurnalist və siyasi şərhçilər KÖZ ətrafında yeni iddiaları gündəmə gətirib.
Jurnalist Zihni Çakır bununla bağlı paylaşımında bu quruluşun FETÖ-nün ehtiyat şəbəkəsi ola biləcəyi iddiasını irəli sürüb və müxtəlif dövlət strukturlarında “hüceyrə sistemi” ehtimalını vurğulayıb.
Həmçinin, jurnalist Metin Külünk sosial media hesabında təşkilatın arxasındakı detalların analiz edilməli olduğunu bildirib:
“Köklü şəkildə gizlənmə, olduğu mühitdə legitimlik yaratma, gizləndiyi yeri və rəqiblərini etibarsızlaşdırma metodları və messianist yanaşma anlaşılmadan bu strukturu anlamaq mümkün deyil. Bunlar araşdırılmadan düzgün qiymətləndirmə aparıla bilməz”./publika.az
