Misirin xarici işlər naziri Bədr Abdulati ABŞ prezidenti Donald Trampın Qəzza planına münasibət bildirib.
Turkustan.az xəbər verir ki, Abdulati Trampın Qəzzada müharibəni bitirmək üçün təklif etdiyi planı dəstəklədiklərini ifadə edərkən, doldurulması lazım olan boşluqların olduğunu da ifadə etdi.
Misirin xarici işlər naziri bəyan edib ki, HƏMAS planı rədd edərsə, çətin olacaq və gərginlik artacaq.
"Siyasi iradə olarsa, düşünürəm ki, Trampın planı həyata keçirilə bilər. Amma məsələ iştirak tələb edir", - Abdulati deyib.
ABŞ prezidenti Donald Trampın İsrailin baş naziri Binyamin Netanyahu ilə görüşündən sonra paylaşılan plana görə, Qəzzanın fələstinlilərdən ibarət apolitik, texnokratik bir komitə tərəfindən idarə olunması nəzərdə tutulur.
Aytən Yaşar/ Turkustan.az
