İsrailin ifrat sağçı Mədəni İrs Naziri Amiçay Eliyahu ABŞ prezidenti Co Baydenin İsrailin Rəfəha geniş miqyaslı hücumla girəcəyi təqdirdə ona silah göndərilməsini dayandıracağı ilə bağlı açıqlamasını İngiltərənin İkinci Dünyadan əvvəl nasistlərlə bağladığı razılaşmaya bənzədib.
Turkustan.az xəbər verir ki, Eliyahu sosial şəbəkə hesabından verdiyi açıqlamada Baydenin Rəfaha hərtərəfli hücum olacağı təqdirdə ABŞ-ın İsrailə silah göndərişini dayandıracağına dair sözlərinə reaksiya verib.
İkinci Dünya Müharibəsindən əvvəl İngiltərə və Nasist Almaniyası arasında 1938-ci ildə imzalanmış Münhen Paktı xatırladan Eliyahu, Baydeni nasistlərlə sövdələşən İngiltərənin baş naziri Neville Chamberlain ilə müqayisə edib.
Eliyahu dedi: "Bayden Uinston Çörçill kimi ola bilər, amma o, Çemberlen olmağı seçir. O, şərəfsizliyə üstünlük verir və nəticədə həm şərəfsizlik, həm də müharibə onu tapacaq".
ABŞ prezidenti Bayden genişmiqyaslı hücumla Rəfaha daxil olarsa, İsrailə silah göndərməyi dayandıracağını açıqlamışdı.
“Əgər onlar Rəfaha daxil olsalar, hələ (hərtərəfli hücumla) girməyiblər, girsələr, mən Rəfah və digər şəhərlərdə istifadə olunan silahları göndərməyəcəyimi açıqladım”, - deyə Bayden bildirib. O, aşağıdakı ifadələrdən istifadə edib:
İsrail ordusu mayın 6-da verdiyi açıqlamada ölkənin cənubundakı Rəfah şəhərinin şərqində 1,5 milyon məcburi köçkün fələstinlinin sığındığı bəzi məhəllələrin boşaldılmasını istəyib və Misirlə sərhəd qapısının Qəzza tərəfini ələ keçirdiyini açıqlayıb. Qəzzanın Rəfah bölgəsinə qurudan hücum edərək.
Eltac Zülfüqaroğlu/Turkustan.az
