Səudiyyə Ərəbistanının ev sahibliyi ilə paytaxt Ər-Riyadda dünən başlayan Dünya İqtisadi Forumunda (WEF) Qəzza müharibəsinin iz qoyması gözlənilir. Bütün dünya İsrailin Rəfaha qarşı mümkün əməliyyatını səbirsizliklə gözlədiyi bir vaxtda, dünən forumun xüsusi sessiyasında çıxış edən Fələstin Muxtariyyətinin prezidenti Mahmud Abbas ABŞ-a səslənərək “İsraili dayandırın” çağırışı edib.
Turkustan.az xəbər verir ki, İsrailin "Rəfaha hücumun bir neçə gün ərzində reallaşacağını gözlədiyini" bildirən Abbas, şəhərə edilən kiçik bir hücumun belə fələstinlilərin əksəriyyətini bölgəni tərk etməyə məcbur edə biləcəyini qeyd edib. Bunun “Fələstin tarixində ən böyük fəlakət” olacağını deyən Abbas, “ABŞ-ı İsraildən Rəfah hücumunu həyata keçirməməsini istəməyə çağırırıq. O, Vaşinqtona çağırış edərək, "İsrailin bu cinayəti törətməsinə mane ola biləcək yeganə ölkə ABŞ-dır" deyib. Abbas İsrailin Qəzzadakı əməliyyatlarını başa vurduqdan sonra fələstinliləri İordaniyaya İordaniyaya köçməyə məcbur etməyə çalışacağından narahat olduğunu bildirib.
Forum çərçivəsində bir çox görüşlərin keçirilməsi gözlənilir. Görüşdə İsrail və HƏMAS arasında atəşkəs danışıqları ilə bağlı təmaslarla yanaşı, ərəb ölkələri ilə İsrail arasında normallaşma addımlarının da müzakirə ediləcəyi gözlənilir. Qeyd olunur ki , dünən Ər-Riyada gələn ABŞ dövlət katibi Antoni Blinken sabah İsrailə getməzdən əvvəl bu çərçivədə təmaslar keçirəcək.
Eltac Zülfüqaroğlu/Turkustan.az
