Hizbullah Hərəkatı Livanın cənubunda İsrail ordusunun mövqelərinə Katyuşa raketləri və müxtəlif silahlarla hücum təşkil etdiyini açıqlayıb.
Turkustan.az xəbər verir ki, Hizbullahın verdiyi açıqlamada İsrailin 91-ci briqadasının yerləşdiyi Eyn Zetiemdəki bazaya onlarla Katyuşa raketinin atıldığı bildirilib.
Eyni zamanda qeyd olunub ki, İsrailin işğalı altında olan və Livana aid olan Kəfr Şuba təpələrində yerləşən Əl-Smaki hərbi bazası və Livanın Vzani kəndi ilə üzbəüz yerləşən İsrail hərbi mövqeyində kəşfiyyat məlumat toplama cihazları vurulub.
İsrail ordusu ilə Hizbullah arasında 8 oktyabr 2023-cü il tarixindən bu yana davam edən qarşıdurmalarda 283 Hizbullah üzvü, 54 Livanlı mülki vətəndaş, 18 Amal Hərəkatı, 13 Həmas, 12 İslami Cihad üzvü, 7 İsrail vətəndaşı və 12 əsgər həlak olub.
Eltac Zülfüqaroğlu/Turkustan.az
