Xəbər verildiyi kimi, Azərbaycan səhiyyə nazirinin müvafiq əmrinə əsasən, yeni GDT Hib Hep B İPV (Heksavaksin) peyvəndi əlavə olunub. Təqvim Avropa İttifaqının maliyyə dəstəyi ilə Ümumdünya Səhiyyə Təşkilatının (ÜST) həyata keçirdiyi “Vaksinasiyaya dəstək” layihəsi çərçivəsində hazırlanıb.
Bəs yeni peyvənd hansı yaş aralığındakı şəxslər üçündür, hansı xəstəliyin əleyhinədir
Respublika Gigiyena və Epidemiologiya Mərkəzindən Bizim.Media-nın sorğusuna cavab olaraq bildirilib ki, GDT Hib Hep B İPV (Heksavaksin) - 6 komponentli vaksindir:
“Difteriya, tetanus, göyöskürək, hepatit B, B tipli hemofil infeksiya və poliomielit xəstəliklərinin qarşısının alır. Peyvənd təqviminə əsasən Heksavaksin uşağın 2, 3, 4 aylığında aparılır”.
