Amerikalıların üçdə ikisi prezident seçkilərindən sonra zorakılıqdan narahatdır.
Turkustan.az xəbər verir ki, ABŞ-da hər üç nəfərdən ikisi noyabrın 5-də Demokratlar Partiyasından olan prezident Co Bayden və keçmiş prezident Respublikaçı Donald Tramp arasında keçiriləcək prezident seçkilərindən sonra siyasi zorakılıqdan narahatdır.
Reuters/Ipsos tərəfindən 3934 ABŞ-lı böyüklər arasında keçirilən ümummilli sorğu göstərib ki, Trampın 2020-ci ildə seçkilərdə məğlub olmasından sonra baş verən zorakılığın təkrarlanması ilə bağlı narahatlıqlar geniş yayılıb. Trampın tərəfdarları 2021-ci il yanvarın 6-da ABŞ Kapitoliyasına hücum ediblər.
Tramp ikinci dəfə Baydenə uduzacağı təqdirdə nəticələrə etiraz etməyə hazırlaşır.
Onlayn sorğuda iştirak edən respondentlərin təxminən 68%-i, o cümlədən demokratların 83%-i və respublikaçıların 65%-i seçkinin nəticələrindən narazı olan ekstremistlərin zorakılığa əl atacağından narahatdır.
İştirakçıların 15%-i bu fikirlə razılaşmasa da, 16%-i qərarsız olduğunu bildirib.
Son müsahibələrində seçkinin nəticələrini qəbul edəcəyinə zəmanət verməyən Tramp demokratları seçki kampaniyasında saxtakarlıq kimi qələmə verib.
Mayın 7-dən 14-ə qədər aparılan sorğu göstərib ki, demokratlar ABŞ-dakı seçkilərin respublikaçılardan daha etibarlı olduğuna inanır.
Demokratların 87%-i seçkinin nəticələrinə inandığını bildirsə də, respublikaçıların yalnız 47%-i noyabr seçkilərinin nəticələrinin ədalətli və qanuni olacağına əmin olduğunu bildirib.
Sorğunun səhv marjası müsbət və ya mənfi 2 faiz bəndidir.
Eltac Zülfüqaroğlu/Turkustan.az
